Сифатли колготкалар қалбакисидан қандай фарқланади?
1. Одатда фирма маҳсулоти ёрқин ва тиниқ ҳамда мустаҳкам бўлган ялтироқ қоғозли жилдга эга бўлади. Бундай жилдлар осонликча йиртилмайди. Сифатсиз маҳсулот эса кичик ҳажмдаги конвертсифат жилдга ўралган бўлади.
2. Сифатли маҳсулотнинг ҳиди ёқимли бўлади. Сифатсиз колготкаларники эса аксинча.
3. Маҳсулот ишлаб чиқарувчи фирма номи хатосиз ёзилганлигига аҳамият беринг. Масалан: «Sanpellegrino» (сифатли) - «Sanpelegrino» (сифатсиз) ва ҳ.к.
4. Баъзан жилднинг барча талабларга жавоб бериши ҳам маҳсулот сифатига кафолат бўла олмайди. Жилдда ишлаб чиқарувчи мамлакатнинг штрих-коди берилган бўлиши керак. Одатда штрих-код жилд четидаги тўртбурчак наклейкада оқ рангда ёзилган бўлади. Мисол учун, Италиянинг штрих-коди 80дан 83гача.
5. Турли фирмаларда бир хил рангдаги маҳсулот рангларининг номланиши турлича бўлиши мумкин. Агар жилдда колготканинг ранги хусусида маълумот берилмаган бўлса, албатта маҳсулот қандай рангдалигини кўрсатиб турувчи махсус дарча бўлади.
6. Колготкаларнинг таркиби билан танишиб чиқинг. Эластан яъни лайкра 40 %дан юқори бўлиши мумкин эмас. Чунки колготкалар турли хил таркибий қисмларнинг жамланишидан яратилади. Агар жилдда 40% эластан борлиги ёзилган бўлса билингки, бу қалбаки маҳсулот. Шунингдек, маҳсулот таркибидаги эластан атиги 8%ни ташкил қилувчи колготкаларни ҳам харид қилиб бўлмайди. Негаки, бундай колготкалар оёққа ёпишиб турмаслиги оқибатида осилиб, турли бурмаларни келтириб чиқаради.
7. Сифатсиз колготкалар таркибида акрил қўп миқдорни ташкил этади. Таркибида пахта ҳамда юнг бўлган колготкалар нисбатан сифатлироқ бўлади. Барча турдаги колготкалар полиамидли иплардан тўқилган бўлади. Аммо сифатли колготкалар ишлов берилган полиамиддан бўлса, сифатсизлари ишлов берилмаганидан тўқилган бўлади. Айнан шунинг учун сифатсиз колготка терида аллергияни қўзғаши мумкин.
8. Сифатли колготка ўта чўзилувчан бўлмайди.
9. Колготка жилдида албатта ёш ҳамда ўлчам кўрсатгичларининг жадвали берилган бўлади. Гарчи турли мамлакатларда кўрсаткичлар бир-биридан фарқ қилсада, 1дан 6га қадар бўлган ўлчамлар стандард қилиб олинган.
10. Колготканинг тўқимасида айлана чизиқ бўлса, билингки бу сифатсиз колготка.
«DEN» нимани англатади?
Колготка тўқималарининг пишиқлик даражаси «DEN» кўрсаткичи билан белгиланади. «DEN» кўрсатгичи нечоғлик юқори бўлса, ипнинг шунча қалин бўлади.
Сифатли колготкалар 6-10 «DEN» кўрсатгичга эга бўлади. Бундай колготкалар энг юпқа, нафис, кўпроқ базм ва тадбирларда кийиш учун мўлжалланган. Чунки жуда гўзал бўлган бу турдаги колготкалар бошқа турларга нисбатан пишиқ бўлмайди.
Кейинги колготка 15-20 «DEN» кўрсатгичига эга бўлганлардир. Улар илиқ ҳавода кийишга мўлжалланган. Куз ҳамда баҳорнинг совуқ кунларида 30-60 «DEN»ли колготкалар кийилса, қишда 70-200 «DEN» кўрсаткичли колготкаларни кийиш тавсия этилади. Бундай колготкалар пишиқ ва иссиқни ушлаб туришга қодир.
Бу йилги мавсумда қандай колготкалар урф бўлади?
Мода оламидаги таниқли стилистларларнинг тавсиялари:
- Тўқ рангдаги вертикал нақшга эга колготкалар оёқларни узунроқ кўрсата олади. Аммо бу мавсумда эътиборни ҳаддан зиёд жалб қилувчи колготкаларни харид қилиш тавсия этилмайди. Кўпроқ оддий ва табиий кўринишга эга колготкаларни танлаган маъқул. Сабаб, нақшинкор тўқимали колготкалар кундалик кийишга мўлжалланмаган. Тадбирларга ёки базмга бораётганингизда эгнингиздаги либосга мос, ялтироқ ёки нақшинкор колготкаларни танлашингиз мумкин.
|
