7x7.uz | yangiliklar, shou-biznes, sport, avto, kino, moda, seriallar olami

Филиз Меҳмет билан бирга жиноят содир бўлган вақтда кирган кафенинг хавфсизлик камераси уларни суратга олган бўлиб, аниқ вақтлари қайд этилган диск ва кассета далилий ашё сифатида тақдим этилади. Филизнинг саъй-ҳаракатлари билан тўпланган ушбу далиллар Меҳметнинг айбсиз эканлигини исботлайди. Меҳмет озодликка чиққан бўлишига қарамай, қамоқда эканлигида олган жароҳатлари сабаб шифохонага боришга мажбур бўлади.
Ҳомиласидан айрилган Нармин билан бир шифохонага тушиб қолган Меҳмет бир-бирларига рўбарў келадилар.
Қамоқдан чиқиши билан Бекирни гумдон қилишни режалаштирган Меҳмет режасини амалга оширишга киришади. Фақат ўйланмай қилинган иш барча режаларни барбод қилиши мумкинлигини тушунган Раҳмон ота ва Жалоллар Меҳметнинг қўлидан қуролни олиб қўйишади ва Бекирни ўлдириш ниятидан воз кечишга мажбур қиладилар.
Нармин ҳомиласининг нобуд бўлишида Белкисни айблаши Карвончиўғли оиласини қийин аҳволга солиб қўяди.
- Дориларим турган қути олдида онангни кўрганимда нима бўлганини тушунмаган эдим, -дейди Нармин Эндерга. – У атайин мен ичадиган дориларни алмаштириб қўйган экан.
- Онам сени ёқтирмаслигини биламан, - дейди Эндер ўнғайсизланиб. – Аммо унинг бундай ишга қўл уришига асло ишонмайман!